Январьданул 13-нний кIицI лагайссар Аьрасатнал Печатьрал кьини, цинявппагу ва сфералуву зузиминнал пишалул байран.
Ва кьини лахъа-хъун байссар цинявппагу периодикалул печатьрал, СМИ-лул зузалт, журналистътал.
ЛичIи-личIисса идарарттал чулухасса барча бавуртту дуркIунни «Илчи» кказитрал коллективрайнгу. Дагъусттаннал Росгвардиялул управлениелулгу барча бунни пишалул байрандалущал «Илчи» кказитрал редакция ва Управлениелул даву хьхьичIунну аьч дуллалисса журналист, отделданул редактор Андриана Аьбдуллаева.
Вайннан Барчаллагьрал чагъарду ва бахшишру дуллунни Управлениелул хъунаманал кумагчи, полициялул полковник Константин Шияннул. Ванал кIицI лавгунни республикалул СМИ-рдаву Управлениелущал цIакьсса дахIаву думиннувасса ца «Илчи» кказитгу бушиву.
Андриана Аьбдуллаева
