Дагъусттаннал Шярава­ллил хозяйствалул ва бакIлахъиялул министерствалул августрал 31-нния сентябрьданул 30-ннийнин конкурсрал гьанулий личIи буллай бур фермертурал хозяйствартту (КФХ) лядуккан давринсса грантру ласунми.
Арцуйнусса кумаг буллалиссар КФХ-рду лядуккан даврил проектру бартдигьаврин, шяраваллил хозяйствалул бакIлахърулул лагрурду гьарза даврин ва шяраваллаву цIусса зузи кIанттурду дузал баврин.
Заявкарду кьамул дуллан тIий бур августрал 31-нния сентябрьданул 30-ннийнин. Ми ххал дигьинтIий бур октябрьданул 1-нния 21-ннийнин. Миннун кьимат бищун тIий бур октябрьданул 22-нния ноябрьданул 1-ннийнин. Ххув хьуми кIул хьунтIий бур ноябрьданул 1-ннийнин.
Заявкарду кьамул дуллай бур так электрон журалий ГИИС «электронный бюджет» системалийхчил.
ЗаявкалуцIун бикIан аьркинссар документирттал пакетгу, мивун духлахиссар:
*анкета ва хIадур дурсса бизнес-план;
*харжлугърал план;
*зулла арцу душиву исват буллалисса документру (софинансирование);
*аьрщарал участокрансса ихтияр душиву исват буллалисса документру.
Микку гьуртту хьун битлай бур ДР-лий сияхIрайн лавсъсса шяраваллил хозяйствалул бакIлахърулуха зузими. Гьартасса информациялущал кIул хьун бюхъантIиссар ДР-лул Минсельхозпродрал сайтрай.

ХI. Аьдилов