Июньдалул 20-нний Хасавюртуллал райондалийсса Аьдилотардал шяравун Саратовуллал областьрая бувкIунни цалчинсса 30 бакI накI-дикI гьарзану дучIайсса лухIи разкьилул. Вай бучIан бувну бур нехру дуккаврия зараллу бивсса жула ризкьичитуран.
Республикалийн ихIсандарал кумаг хIисаврай ризкьи буллуну бур Аьрасатнал Шяраваллил хозяйствалул министерствалул сипталул лагрулий «Племзавод «Трудовой» АО-лул. Аьмну зарал бивсса Дагъусттаннал аграрийтуран билаятрал личIи-личIисса регионная уква булунтIий бур 117 бакI лухIи ризкьилул, хаснува Ростовуллал ва Волгоградуллал областирдал.
Ризкьи бучIан баврил ва ми бачIаврил иширттал ялув ацIаву дуллай ур ДР-лул шяраваллил хозяйствалул ва бакIлахъиялул министрнал чIумуйнусса кIанайма Шамил Рамазанов.
Хасавюртуллал райондалийн региондалул министрнал буржру бартбигьлагьиманащал архIал бувкIунни министрнал хъиривчу Шамил Жамалов, ДР-лул Минсельхозпродрал ризкьилул отдельданул хъунама ­Исрапил Гунашев.
Аьдилотардал ялапарлувтурал Аьрасатнал Шяраваллил хозяйствалул министерствалухь ва кумаг бувсса региондалул хозяйстварттахь барчаллагь тIий бур.
Яла гъансса чIумал Дагъусттаннайн бучIан бантIий бур цаймигу хъуни ризкьи.
ХI.Аьдилов