Ина бакъа
ххюра шин

Загьранил аьпалун

Ина кунмасса инсан
Хъамабитан шайссарив:
ТIивтIунмасса ненттабакI,
Пиш-пиш тIийннасса ­ мурччив.

Агь, жул ххирай, ларгунни
Ина бакъа ххюра шин.
Шин цими лях гьарчангу
ДакI цIийнна дур уттигу.

Загьраний, аьзиз ссувай,
Гьарзатраву бавкьусса,
Уссу акъа къабикIан
Хъирив ина лавгунна.

Ххира дадачIа хьунну
Зу кIиягу хьхьичI-хъирив,
Зул хъирив хъювхъу тIийнма
Ттул яругу ливчIунни.

Вихра зул ахир-мина
Алжаннуву душиврийн,
Заннал цIимилул хъагу
Зул ялтту лирчушиврийн.
Аьбдуллаева ПатIима,
Загьранил уссил щар