Дурусну кIира шин ларгунни Украиннал аьрщарай Аьрасатнал аьралий гужирдал хасъсса аьралий операция байбивхьуну. Гьантлия гьантлийн лахъи дурккун най дур ватандалул ххуллий чувшиврий жанну дуллусса чиваркIуннал сияхI.
ХхюцIалаксса язисса жагьилнал цIа дур ва сияхIраву лакрал миллатравагу. ХIайп! Цавай мурадирайнмагу къабивсса, цавай, мурад булурчагу, махъ наслу кьабитансса мутта къабуллусса, цавай тIурча, цала вилттили оьрчI канил бугьан нясив къавхьусса, цавайгу оьрчIру ятинталну кьабивтун лавгсса…
Лахъи дурккун най дур хасъсса аьралий операциялул Бесс­мертный полкрал кьюкьагу, яни ппухълуннал суратру дургьуну патриотический акциярдай гьуртту хъанахъисса мюрщултрал кьюкьа.

Аьпа бивкIулияр ххувссар учай. Буруччинну жущава бю­хъайссаксса ватандалул ххуллий жагьилнура жанну дулун багьсса жула язисса арсваврал аьпа! ДакIния дуккан къаританну вай исвагьисса, дюрхъусса, нурданун лархъсса симанну!
Ахират тIитIиннав цан!

Зулайхат Тахакьаева