[dropcap]О[/dropcap]ктябрь зурул 14-нний Вихьуллал шяраваллил библиотекалувун бувкIун бия Ккуллал райондалул библиотекарттал зузалт. Октябрь барз бугьараминнан хас бувсса бушаврийн бувну, биб­лиотекалуву бувну бия вайннан хас бувсса семинар.

[dropcap]Ш[/dropcap]икку гьуртту хьунни, биб­лиотекарттал зузалт бакъа­сса, Вихьуллал культурал къатлул зузалт, Вихьуллал школалул дук­лаки душру, Вихьуллал шяраваллил администрациялул каялувчи Сулайманов СайкIу, 1-мур ЦIувкIуллал шяраваллил администрациялул каялувчи Кьурбанаьлиев МахIаммад ва цаймигу.

Семинар тIивтIуна Ккуллал райондалул библиотекар­ттал каялувчи ХIажиаьлиева ПатIиматлул. Вихьуллал библиотекалул каялувчи СайкIуева Жамилал кутIану бувсуна бугьараминнал хIурмат муданмагу буллан аьркиншиврия, бувсуна луттирду ласун бугьарамигу бучIайшиву. Жамилал барчаллагь увкуна райондалул лагрулий семинар буван Вихьуллал шяравун бувкIун тIий.

Вихьуллал школалул дуклаки душварал Исмяилова ПатIимал, МахIаммадова Маринал, Щиллаева Тамарил бувккуна бугьараминнан хас бувсса шеърирду. Махъру лавхъуна шяраваллил бакIчи Сулайманов СайкIул, Хъювхъиял шяраваллил биб­лиотекалул бакIчи ХIасниев НурмахIаммадлул, Вихьуллал шяраваллил культуралул къатлул хъунмур ХIасанхIусайнова Рукьижатлул, культуралул къатлул худрукнал Оьмариева Камилатлул, Ккуллал библиотекалул хъунмур Аьлиева Аьйшал ва цайминнал.

Шиккува гьаз бувна ца агьам­сса масъалагу. Библиотекар­ттал фондравун къабукIлай бу­сса бур лакку мазрайсса лу­ттирду. БучIия луттирдал автортурал жула библиотекарттан цаппара луттирду бахшиш бангу. Бия биб­лиотекарттал даврин хас був­сса цайми масъаларттугу гьаз буллай. БатIаврий гьуртту хьуми рязину ливчIуна ва хьунабакьаврия.