[dropcap]М[/dropcap]артрал 4-нний Ккуллал шяраваллил спорткомплексраву хьунни волейболданул турнир. Шикку гьуртту хъанай дия Ккуллал райондалийсса школарттал оьрчIал ва душварал командартту. Турнир хIасул дурну дия Жагьилтурал центрданул. Волейболданий буклакавугу дия ва центрданул зава ласунсса бяст-ччаллийсса.
Турнирданул жям хьуна укунсса: оьрчIаву цалчинмур кIану лавсуна Ккуллал 2-мур школалул, 2-мур кIану – Хъусращиял школалул, 3-мур кIану – Ккуллал 1-мур школалул.
Душвараву цалчинмур кIану лавсуна Ваччиял школалул, 2-мур кIану – Вихьуллал школалул, 3-мур кIану – Ккуллал 2-мур школалул. Ххув хьуминнан дуллуна заварду, грамотартту, волейболданул ттупру. Дуллуна грамотартту хъиннува ххуйну буклай бивкIминнангу.
Лажин хIадур дурссар ХIажимурад ХIусайновлул
