[dropcap]Я[/dropcap]нварь зурул ахирданий ЧIяйннал Культуралул къатлуву хьунни Дагъусттаннал автономиялун 100 шин шаврин хас дурсса «Ттул ужагъ – ххирасса Дагъусттан» тIисса цIанилусса шадлугъ. Шяраваллил культуралул къатлул хъунмур Алхасова СалихIатлул кутIану бувсуна 2021-ку шин баян бувну душиву му байрандалул шинну, мунил лагрулий хьун тIий душиву фестиваллу, выставкартту, цайми-цаймигу хьунабакьавуртту. Махъру лавхъуна Аьбдуллаев Арсеннул, МахIмудова СултIанатлул ва мукунма цайминнал. Шадлугърай гьуртту хьун бувкIун бия ЧIяйннал школалул ва оьрчIал багъравасса оьрчIру: Мудунов СалихI, СутIаев Аьбдул, ХIусайнов Аьбдул, Къаллаева ПатIимат, ХIанапиева Магьият, СалихIов МахIаммад ва цаймигу. Вайннал, балайрдугу увкуну, дурккуна назмурду.

* * *
КIинттулсса каникуллай нитти-буттачIан увкIсса ЧIяйннал шяравасса студент АьбдурахIманов Щамхалащалсса хьунабакьаву хьунни ЧIяйннал Культуралул къатлуву. Ва хьунабакьаврий гьуртту хъанай бия культуралул къатлул каялувчи Алхасова СалихIат, шяраваллил администрациялул бакIчинал хъиривмур Апанниева ПатIимат, школалул оьрч1ру ва цаймигу. Щамхалал бувсуна школалий,ххуйну ккалай, дарсру куртIну лахьларча, яла вузирдавун буххангу, дуклангу бигьану бикIантIишиву. Щамхала дуклай уссар ДГУ-лул юристал шайсса факультетрай. Хьуна шиккугу тяхъашивуртту.