Аьрасатнал обороналул министрнал хъиривчу, Аьрасатнал Виричу, Армиялул генерал Юнус-Бек Евкуровлул оьрмулул ххуллу ттун къучагъшиврул ва Ватан ххирашиврул эбратну хьуссар. ХIакьинусса кьини ванал аьралий опыт, кIулшивуртту ва профессионализм тIалавну дур билаятрал мюхчаншиву дуруччаву мурадрайсса агьамсса масъалартту бартбигьавриву. Аьралий иширттаву савсусса генералнал цIакьсса дахIаву дуссар хасъсса аьралий операциялий гьуртту хъанахъисса аьралийтуращал. Хъунмасса захIмат буллай уссар вайннал тIалавшиннарду щаллу давриву.

Юнус-Бек Евкуровлущал на кIул хьуссара 1985 шинал. Муния шинай жул дянив уссурвалшиврийсса цIакьсса дахIаву дуссар. КIицI лаганна, Юнус-Бек пахру-ххара ва дакI хъуншиву дакъасса, сахаватлувсса,чумартсса тIуллу дусса ушиву.

Ттула оьрмулуву хъунмасса тIайлабацIу хьушиврун ккалли буллай ура укун ларайсса яхI-къирият дусса инсаннащал дусшиву дан нясив баврия.

Вай гьантрай Юнус-Бек Баматгиреевич увсса кьинигу дур!

Ттул аькьилсса дус! ЧIа тIий ура вин цIакьсса цIуллушиву, вил гьунаргу, бюхъугу щалагу билаятрал агьалинан мюнпатрансса хьуннав, дуллалимур ванияр тихуннайгу лажин кIялану бартдигьлансса каши ва кьудрат дулуннав вихьхьун.

Мудан вил хIурмат бусса полициялул полковник, къучагъшиврул шанна ордендалул кавалер, АьФ-лул ДОСААФ-рал председательнал хъиривчу, СВО-лул цалчинма Аьрасатнал Виричув НурмахIаммад ХIажимахIаммадовлул ппу Энгельс ХIажимахIаммадов.