Июньдалул 10-нний ДР-лул УФСИН-далул (Управление Федеральной службы исполнения наказаний) хъунама полковник Сергей Ролдугин хьунаавкьунни республикалул СМИ-лул вакилтуращал.

Пресс-конференциялул мурад бия республикалул УИС-рал ва медиасообществалул дянив дахIаву цIакь даву, ва идаралул давурттал аьчухшиву хъун даву, объективсса информациялул цIаний уртакьну зузаву.

Пресс-конференциялий ххал бивгьунни хIала-гьурттуну зузаврил гьануми масъалартту: дуснакь бувми итабавкьукун, ми яхьунсса касмурду лахьхьин даврил (ресоциализациялул) программарттая бусаву; региондалул УИС-рал идарарттал давриву ттизаманнул технологияртту щурущи даву; танмихI бартбигьаврил система инсаншиврул чулийннай даххана даву; системалул зузалтрал давурттал хIакъиравусса материаллу СМИ-лий рищаву; танмихIрайн кIункIу бувми тIайла бацIан баврил идарарттайн пресс-турду даву ва цаймигу.
УФСИН-далул хъунаманал бувсунни ва идаралул давурттал хIакъираву тIайламур чичлачаврил ва бусласаврил агьамшиврия, мукунма дуснакь бувминнаясса ва уголов-исполнител системалул зузалтраясса информациялущалсса давурттаву этикалул кьяйдарду дуручлан аьркиншиву.
«Аьчухшиву – жул даврил ца яла хъунмур принципри. Жул мурад бур жяматран, «чапарду ва вышкарду» дакъассагу, азарахъул зузалтрал гьарца кьинисса давугу хIисав шаву, миннал дуснакь бувминнан кумаг буллалиссар цала тIайласса оьрмулийн зана хьун», – увкунни Сергей Ролдугиннул.
Хьунабакьаврил ахирданий журналистътурал ва УФСИН-далул каялувчинал икьрал дунни уголов-исполнител система цIу дуккан даврил хIакъираву бусан СМИ-лий.

ХIасан Аьдилов