[dropcap]Ф[/dropcap]евраль зурул 1-нний ЦIу­ссалакрал райондалул бакIчи ХIажи АйдиевлучIа хьунни Аьрасатнал Президентнал бувчIавурттал хIакъиравусса совещание.

[dropcap]С[/dropcap]овещаниялий гьур­тту хьунни ЦIуссалакрал райондалул чулухасса ДР-лул Халкьуннал Мажлисрал депутат Амирхан Амирханов, администрациялул давурттал управляющий Султанат Цунтаева, ЦIуссалакрал райондалул ТИК-рал председатель АхIмад Къушиев, райондалийсса «Единая Россия» партиялул каялувчи МахIаммадшяпи Сулайманов, Жяматийсса советрал член АхIмад ХIусманов. Цала ихтилатраву райондалул бакIчинал кIицI лавгунни март зурул 18-нний хьунтIисса президентнал бувчIавуртту лавайсса даражалийсса дикIан аьркиншиву, райондалул избирком ца хIарачат ххину зун аьркиншиву, агьали бувчIавурттай чялишну гьуртту хьуншиврул, информациялул даву гуж дан аьркиншиву, му бакъассагу, хъинну ялув бавцIуну ххал дан аьркиншиву избирательтурал сияхI.
Хъирив ихтилат бунни АхI­мад Къушиевлул. Ванал був­сунни чIурду булайсса кIан­ттурдайсса низамрая ва тIа­лавшиннардая, избирательтурал комиссияртту телефоннал дузал баврия, чани лещан къабитансса чаранная. Совещаниялий гьур­тту хьуминнал ххал бивгьунни бувчIавурттал хьхьичIсса агитациялул ва избирательтуращал­сса даврил масъалартту.