![](https://ilchi.info/wp-content/uploads/2020/10/08-54-copy_1.jpg)
АхIмад-Хан Султаннул кIия арс ивкIун ур – Станислав ва Арслан.
АхIмад-Ханнул ссурахъу (ниттиуссил душ) Алла Аппазовал бувсмунийн бувну, кIиягу арснал кьадарду кьурчIисса хьуну бур, ми ччяни дунияллия лавгун бур. Хъунама арс Станислав Москавлив Суворовлул аьрали училищалуву дуклай ивкIун ур, Арслан – Севастополлай, хьхьирил училищалуву. КIинналагу аьрали пишарду лахьхьинсса ният диркIун дур.
Станиславлул душ Вероника Жуковский шагьрулий яхъанай бур, ванил шама арс ур: Архип, Платон, Мирон. Вероника бувну бур 1984 шинал. Ванин 9 шин хьусса чIумал нину, Ольга Анатольевна, дунияллия ларгун дур, хъиривмур шинал ппу Станиславгу ивкIуну ур. Ва цичIанма бувцуну бур ниттил ссурахъил. АцIния ряхра шин хьуннин ниттил ссурахъичIа яхъанайгу бивкIун, муния махъ ва нину-ппу яхъанай бивкIсса квартиралийн зана хьуну бур.
![](https://ilchi.info/wp-content/uploads/2020/10/08-54-copy_2.jpg)
АхIмад-Хан Султаннул арсру дунияллия лагайхту, ганал фамилия яхьун аьркинссар тIий, Вероникал цинна буттал буттал фамилия риртун дур. Мукун Вероника Амет-Хан бур. Ванил арсурваврал фамилиягу Амет-Хан риртун дур. АхIмад-Хан Султаннул фамилия, арсру дунияллия гьарчагу, наслулийх най дур.