«Аьрасат – ттул тарих» тIисса цIанилусса тарихийсса паркраву хьунни ДГУ-лул тарихрал факультетрал 4-мур курсирал студентътурансса тIивтIу лекция. БатIаву сакин дурну дия Дагъусттан Республикалул Культуралул ирс буруччаврил агентствалул ва хьуна культуралул ирсирал объектру машгьур баврил давурттал лагрулий.
Агентствалул отделданул хъунама Аьбдулмажид Абашиловлул бувсуна студентътурахь Дагъусттаннал цIанихми чIалъаьрдая, ми та бувссарив, миннуцIун тарихравусса ци-ци ишру бавхIуну буссарив ва цаймигу затру. Студентътал хъунмасса гъирарай вичIидирхьуну бия бусласимуних. Ахирданий вайннал тавакъю бувна, цивппа практика хIисаврай, культуралул ирсирал объектру ххал буван буцирча, хъинну бикIанссия тIисса.
