Хасъсса аьралий операциялий Ватандалул мурадру буручлай къучагъну талай бур жула жагьилтал. Вай гьантрай «За отвагу» медальданун лайкь хьунни ЦIуссалакрал райондалиясса ХIамзатлул арс Камил МахIаммадов.Ватандалийн кьини дурксса чIумал Камиллул, цува лавгун, хушрай чирчуну дур СВО-лий гьуртту хьунсса контракт. Талан лахьхьин буллалисса курсру ккалай ивкIун ур Москавуллал областьрай. Май зуруй увкIун ур Камил Украиннал аьрщарайн.
Аьралий операциялий гьуртту хъанахъисса хIаллай ванал чIалачIи бунни цува кьянкьасса низам дусса, тапшур бувсса амру биттур бан хIадурсса, унгу-унгусса аьралийчу

ушиву.
Хасъсса аьралий операциялий гьуртту хъанай уссар ­Камиллул уссу ХIажимурадгу. Вагу цалчинсса гьантрая шихунай та яла цIу кIириний ур. КIиягу уссу жула аьрщарайсса паракьатшиву дуруччаврил цIаний нигь-ццах бакъа талай бур къучагъталну.Буний Заннал ябаннав зу, ­цинявппагу жула оьрчIрув! Лахъи къалавгун, сагъ-саламатну зана хьусса чIун дучIаннав!