[dropcap]А[/dropcap]ьрасатнал Федерациялул аьрали-гьавалул гужирдал кьинилун хасну арвахIкьини республикалул транспортрал, энергетикалул ва дахIаврил министр Сайгидпаша Умахановлул ДР-лул ХIукуматрал хъунама Аьбдуссамад ХIамидовлул цIаниясса ХIурматрал грамотагу, мунищалла архIал Чкаловлул ракета итадаркьуну 85 шинал юбилейрайн итадаркьусса цIа чирчусса ссятгу дуллунни Дагъусттаннал транспортрал отраслилул ветеран, Дагъусттан Республикалул лайкь хьусса летчик Валиев ХIусайн Дамаданнул арснан.
Зулайхат Тахакьаева
[dropcap]С[/dropcap]айгидпаша Умахановлул лавайсса кьиматрай кIицI лавгунни «Авиалинии Дагестана» ОАО- лий 40 шинал мутталий АН-24 ва ТУ-134 самолетирттал бортмеханикну зий бувсса ХIусайннул захIмат. Гьавалул жамилий мюхчаншиву дуруччаврил тIалавшиннарду мудангу лавайсса даражалий биттур дайсса диркIшиву. Тамансса ванал маслихIатру производствалуву бучIину лявкъуну бусса бур. Барча бавурттая махъ министрнал тавакъю бувна ХIусайннухь жагьилсса бортмеханиктуран насихIатчину хьун.
ХIусайн Валиев МахIачкъалаллал аэропортрал каялувчитурал ва зузалтрал цIания барчагу увну, ванан медаль ва цува зий ивкIсса ТУ-134 самолетрал макетгу пишкаш дурунни хъунама директорнал хъиривчу НухI Гьаруновлул.
МахIаммад Валиевлул барчаллагь увкунни дурсса къулагъасрахлу ва Сайгидпашанан пишкаш дурунни СУ-35 самолетрал макет.