[dropcap]В[/dropcap]ай гьантрай Хъювхъиял шяраву, райондалул Культуралул центрданул филиалданий, хьунни «Жу терроризмалийн къаршину буру» тIисса цIанилусса мероприятие. Дуклаки оьрчIахь террорданиясса нигьачIаврия, мунил буллалисса балардая, террорданул ххуллу бувгьуминнал бакIрачIан букIлакIимуния бусласисса ихтилатру бунни Хъювхъиял шяраваллил бакIчи Асият Аьлиевал, филиалданул хъунмур Рукьижат Оьмаевал ва филиалданул художест­валул каялувчи Сапижат МахIаммадовал.

Ихтилатирттаву кIицI лавгунни Дагъусттаннал халкьуннал бакIрачIан чIявусса баларду бувцушиву терроризмалул иширттал, дакIнийн бувтунни Каспийскалий, Буйнакскалий террористурал къатри пIякь учин дурну, чIявусса багьана бакъасса инсантал ливтIусса ишру.

Бувсунни, ва бяйкьусса ххуллийн був­ккун, чIявусса жула жагьилтал оьрмурдацIа хьушиву, террор сававну кулпатирттайх кьинирду дуркшиву. Дуклаки оьрчIал хIадур дурну дия террорданийн къаршисса плакатру, итабавкьуну бия мукунмасса чIирал кказит. Ихтилатру къуртал хьуну махъ ккаккан дунни террористурал ширишилун дуклаки оьрчIру бувгьусса инсценировка. Дур­ккунни терроризм дащуй дихьлахьисса назмурду.