Августрал 27-нний Дагъусттаннал бакIчи Сергей Меликов гьуртту хьунни Аьрасатнал Мюхчаншиврул советрал cекретарь Сергей Шойгул каялувшиврийсса батIаврий.
БатIаву хьуна Нальчикрай президентнал СКФО-лийсса вакил Юрий Чайка ва округрал субъектирдал каялувчиталгу гьурттуну.
Ххал бигьлай бия радикализмалул пикри-зикрирдайн (идеярттайн) къаршисса, ялун ххи бувсса чаранну.
Махъру лахълахъиминнал тIимунийну, Баргълагавал билаятирттал хIарачат буллай бур Аьрасатнал жяматру кIибищун буван, миллатру ва динну оьлукъин дуван. Агьалинайн баян буллай бур негативсса информация коммуникациялул технологиярттайну. Ххал диргьуна радикал пикри-зикрирду ппив буван кумаг буллалисса сававрду ва шартIру жагьилтурал дянив. ЛичIинурасса къулагъас дуруна ялун нанисса никиращал патриотшиврийсса тарбиялул даву дачин дуван аьркиншиврух.
Дуруна властьрал паччахIлугърал органнал, кIанттул цилакаялувшиврул органнал ва граждан обществалул институтирттал ватандалул история баччин баврийн, ксенофобиялийн ва неонацизмалул пропагандалийн къарши буккаврил давурттал анализ.
ЛичIи дурна ва сфералувусса гьануми проблемартту, хIадур дурна вай дузал дансса предложенияртту. Мукунма лявкъуна региондалий ва аьмну билаятрай жяматийсса ва политикийсса тагьар оьлукъин даврил хьхьичIалу кьукьинсса ялун ххи бувсса чаранну.
ХIадур бувссар ХI.Аьдиловлул
