Райондалул юбилейран хас дурсса мероприятиярттал лагрулий хьунни тарихрал ва краеведениялул музей тIитIлатIисса шадлугъ.
[dropcap]З[/dropcap]увиллийсса шиннардил манзилданий шаппа цува салкьи буллай ивкIсса музей райондалун пишкаш бунни райондалул бакIчинал хъиривчу Амсар Къажлаевлул. Пикри хъин чулий ккавккун, Юсуп МахIаммадовлул музейран ккаккан дурунни хьхьичIва Пионертурал къатта яла ОьрчIал творчествалул къатта бивкIсса къатри.
[dropcap]М[/dropcap]узейрал экспозициялий бивхьуну бия щала лакрал ва Гъумучиял тарих: Лакку билаятрал цIанихсса арсваврал – Совет Союзрал ва Аьрасатнал вирттаврал, аьлимтурал, шаэртурал, магьирлугърал ишккаккултрал суратру; ичIаллил кьай-кьуй, тIахIни-кIичIу, музыкалул ярагъ. Так цавай сурат рищай аппаратрува бия 200 журалул.