Оьруснал поэзиялул бургъин ккаллисса шаэр Александр Сергеевич Пушкин дунияллийн увксса июньдалул 6-нний щалвагу Аьрасатнаву кIицI лагайссар Пушкиннул Кьини. Ва КьинилуцIун дархIусса шадлугъ хьунни Гъумучиял оьрчIал библиотекалийгу.

В «Волшебной Пушкинской стране» тIисса цIанилу дуллалисса шадлугърай гьуртту хьун библиотекалийн бувкIун бия байбихьулул ва дянивми классирттал дуклаки оьрчIру. Вайннал ххал дунни шаэрнал луттирдал выставка.
Шадлугъ дачин дурсса Сувар Дибировал бувсуна оьрчIахь цIанихсса шаэрнал оьрмулул ва творчествалул ххуллуя, кIул бувна оьрчIру шаэрнал литературалул ирсиращал. Цилва ихтилатраву ванил кIицI лавгуна я оьрус маз, я оьруснал литература Пушкиннул произведенияртту бакъа хьхьичI дацIан дуван гьич къашайшиву, ци чIунну дучIарчагу, замана цумур чулухунмай баххана хьурчангу, ванал творчество ччимур оьрмулул инсантуран ххирасса ва хIаз дизансса душиву.
ОьрчIал дурккуна шаэрнал назмурду, магьравасса парчри.
Шадлугърал сакиншинначину бия оьрчIал библиотекалул хъунмур Зарема Исяева.

Бадрижамал Аьлиева