«Ва кьини гьашину цалчин кIицI лаглагиссар Аьрасатнал Халкьуннал цашиврул кьинилущал цачIуну, ва тIайлагу дацIлацIиссар Расул ХIамзатов увсса кьинилийн. Жула билаятрай дусшиврий ва аслахIшиврий ялапар хъанай бур сайки 200 миллат ва мюрщи миллатру. Миннал мазру, традициярду ва аьдатру – ми жулла аьмсса хъусри ва Аьрасатнал хIакьсса аваданшивур».
В. В. Путин

ХIурмат лавайсса дагъусттанлувтал!

Барча Аьрасатнал Миллатирттал мазурдил кьини! Ва байран цалчин кIицI лаглай буру АьФ-лул Президент Владимир Владимирович Путиннул хIукмулийну.
ЦIусса байран кьини Дагъусттаннал халкьуннал шаэр Расул ХIамзатов увсса кьинилийн тIайла дацIан дурну душивугу хъанахъиссар ххаллилсса лишанну. Ванал творчество хъанахъиссар ттуршукурдайнусса аькьилшиврул ва чувшиврул, Ватан ххирашиврул цасса луну.
«Инсантурал мазру бикIувча личIи-личIисса, так дакIру цасса дуния мукьах», – учайссия шаэрнал.
Дагъусттаннан ва цIусса байрандалул личIинурасса мяъна дуссар. Шикку гъалгъа тIий бур ацIвахъул мазурдий ва чIявусса лугъатирттай. Миннул гьарцаннул дур ттуршукурдай яхьусса аькьилшиву, традицияртту, ттаттахъал аманатирттайн дакI тIайлашиву. Ттизаманнул дунияллий сахла буван аьркинни му ххазина кунмасса гьану. Му хъанахъиссар чIявумиллатру бусса халкьуннал цашиву цIакь давриву бивхьусса жула захIматгу.
Аьрасатнал Миллатирттал мазурдил кьини жура кIицI лаглай буру жула республикалул гьарца къатлуву, ниттил мазрай бюхттулсса шаэрнал махъ баллалисса гьантрай, ХIамзатовлул «КIяла кьурукьру» тIисса кьинирду дуллалисса чIумал. Му хьуссар аьмсса жула дард-хажалатрал ва умудрал гимну.
Ф.В. Щукин