Июньдалул 24-нний хьунни ДР-лул Халкьуннал Мажлисрал 46-мур сессия.

Муний ххал бивгьунни 30-нниха ливчусса масъалартту. Вайннувасса цаппара бур укунсса: «Дагъусттан Республикалул 2025 шинайнсса ва пландалий ккаккан дурсса 2026 ва 2027 шиннардийнсса бюджетрал хIакъираву», «Дагъусттан Республикалий бюджетрал процессрал ва бюджетирттал дянивсса арардал хIакъираву», ДР-лул муниципал районнал кIанттул цилакаялувшиврул органнайн дотацияртту ккаккан даврил ва миннул хIакъи-хIисав даврил чулухасса паччахIлугърал полномочияртту тапшур даврил хIакъираву», «Сакиншиннал хъус-хъиншивурттаясса налограл хIакъираву», «Дагъусттан Республикалийсса физкультуралул ва спортрал хIакъираву», «Культуралул хIакъираву», «Дагъусттан Ресубликалий чIиримур ва дянивмур бизнес лядуккан даврил хIакъираву» тIисса ва цаймигу.
КIилчин дурккуну депутатътурал кьамул дунни закондалул проектру: «2025 шинайнсса ва пландалий ккаккан дурсса 2026 ва 2027 шиннардийнсса ДР-лул бюджетрал хIакъираву», «Дагъусттан Республикалий кIанттул цилакаялувшиву сакин даврил цаппара масъаларттал хIакъираву», «Транспортрал налограл хIакъираву» тIисса Дагъусттан Республикалул 5-мур статьялий дахханашивуртту даву», «Дагъусттан Республикалий коммерциялул дакъами сакиншиннан паччахIлугърал чулухасса кумаг баврил хIакъираву» тIисса ва цаймигу.
Депутатътурал чIурду буллунни дакьаврил (мировой) судиятал ва Счетный палаталул аудитор битаврихлу.
УФАС-рал ДР-лийсса каялувчи Кьагьир Бабаевлул бувсунни Федерал антимонопол къуллугърал давурттал хIакъираву.
Яла ДР-лул Халкьуннал Мажлисрал депутатътуран дуллунни наградартту.