ПаччахIлугърал Думалул депутатътурал дунни ххюра шинал дурсса давурттал хIасиллу.
Заседаниялий ВКС-рал низамрай гьуртту хьунни ДР-лул Халкьуннал Мажлисрал председательнал хъиривчу Камил Давдиев. Микку махъ лахълай, Па­ччахI­лугърал Думалул председатель Вячеслав Володиннул бувсунни ПаччахIлугърал Думалул давривусса шанна агьамми приоритетирттая: АьФ-лул Президентнал Рисала бартдигьаву ва национал лябуккулул мурадру бартлагаву; хасъсса аьралий операция щаллу баву ва саллатIнан, хIаписартуран ва миннал кулпатирттан кумаг баву; хьунабавкьусса чIумал жула инсантурал депутатътуращал гьаз байсса масъалартту бартбигьаву.

Ххюра шинал давурттал хьхьичIунми хIасиллу:

Кьамул дурну дур сайки 3000 закон, дузал дурну дур СВО-лул гьурттучитуран ва миннал кулпатирттан кумаг баврил система, бакIуйн дуккан дурну дур цIусса регионну Аьрасатнал ихтиярдал вив ласаву (интеграция в правовое поле России). Парламентрал контроль бувкIун бур системалул журалийн.
Госдумалул кьамул дурну дур санкциярдайн кършисса 250 закон.
Вячеслав Володиннул бусаврийну, ларгсса 5 шинал мутталий 68,5% законнал кьамул дурну дур циняв фракциярттал кабакьаврийну.