ОьрчIру буруччаврил кьинилун хас дурсса мероприятияртту хьунни Ккуллал райондалул щархъай. Байран кьини райондалул Культуралул центрданул зузалтрал, магьравасса персонажирттал яннардугу ларххун, Ваччиял садикрайсса оьрчIан, балайрду тIий, къавтIавуртту дуллай, тяхъасса мажлис бунни.

Вайннащал тIуркIурду буллай, балай тIий, къавтIий, оьрчIал хъунмасса хIаз лавсунни.
ОьрчIругубарча бувну, ва байрандалий ххуйсса гьурттушинна дунни центрданул режиссер РайхIанат ХIажиевал.
«ОьрчIру – жула аваданшивур. Вайннал цIанийру жува зузиссагу, заназиссагу. Жува буржлувссару жула оьрчIал яла агьаммур ихтияр – талихIсса оьрчIшиву дуруччин ва дузал дан», – увку­нни ванил.
Ва кьини оьрчIру ххари бувсса, бялахъан бувсса центрданул зузалтрахь барчаллагь увкуна садикрал хъунмур Асват Чупалаевал.

Имара Саидова