ЦIуссалакрал райондалул цIусса миналий тIивтIунни оьрчIру бялахълансса майданну.

Гъинттул чIумал оьрчIру бялахълансса кIанттурду шяраваллаву шагьрулий кунма гьарзасса бакъар.
Мунийн бувну, райондалул бакIчи МаматIи ХIамзатовлул тапшур бувну бия райондалул Культуралул, жагьилтурал политикалул, спортрал ва туризмалул управлениялийн гъинттул, каникуллал чIумал, оьрчIансса дялахърулул программарду ва концертру щурущи дан. Вай гьантрай культуралул зузалтрал ххаллилсса концерт ккаккан дунни ДучIиннал шяравусса (Новострой) паркраву. Мероприятие дачин дурсса Родна ХIасановал тIиртIунни ва кьинисса программа патриот викториналийну. Ххал дунни оьрчIал Ватандалиясса, жула тарихрал агьамсса иширттаясса кIулшивуртту. ОьрчIал жавабирттайну чIалай дия вайннал Ватандалухсса ччаву ва тарих кIулшиву. Викториналул хъирив оьрчIру гьуртту хьунни личIи-личIисса конкурсирттай. Мероприятиялул сакиншинначитурал щаллу бунни цала яла ххуйми балайрду. Байрандалул мажлис къуртал хьунни цинявппа хIала бувххун къавтIун бизлазисса лезгинкалийну.
Укуннасса мероприятие хьунни ЦIуссамехельтIиял шяравугу. Хъиривсса мероприятияртту дикIантIиссар ЦIуссалакрал ва Чапаево шяраваллаву.
Андриана Аьбдуллаева