«Дагъусттан Республикалий дуккаврил хIакъираву» тIисса ДР-лул 10-мур закондалийн бувну, республикалул школардай ­оьрус мазрал дарсру дишаврищал архIал лахьлай буссар Дагъусттаннал ниттил мазругу, чара бакъа дишин аьркинсса дарсру хIисаврай.

Дагъусттаннал школардай лахьлай бур 12 маз (агъуллал, яруссаннал, даргиял, лакрал, къумукьнал, чачаннал, лазгиял, азирбижаннал, нугъайнал, рутIуллал, цIахъюрдал, табасараннал).
Республикалий хIадур дурну дур школардансса дуккаврил базисрал план, ганийн чул бивщуну дар­сру дишин бюхълай бур АьФ-лул паччахIлугърал мазрайгу, Дагъус­ттаннал миллатирттал мазругу ла­хьхьин бюхълай бур. Миккура кка­ккан дурну дур циксса ссятру личIи дурну дуссарив ми мазру лахьхьин гьарца классраву.
Мунийн бувну хIадур дурну дур 2 дуккаврил план:
1.Базисрал 1-мур дуккаврил пландалий ккаккан бувну бур 1-4 классирттаву дарсру дихьлан ни­ттил мазрай (оьрус маз лахьлан предмет хIисаврай), 5-мур кла­ссрая тIайла хьуну, 11-мур классравун биянцIа дарсру дихьлан оьрус мазрай (ниттил маз лахьлан предмет хIисаврай). Ва план ккаккан дурну дур ца миллатрал оьрчIру бусса школардай дарсру дихьлан.
Базисрал 2-мур дуккаврил пландалий ккаккан бувну бур 1-мур классрая 11-мур классравун бияннин дарсру дихьлан оьрус мазрай (ни­ттил маз лахьлан предмет хIисаврай). Ва план ккаккан дурну дур личIи-личIисса миллатирттал оьрчIру дуклакисса школардан.
Тахо-Годил цIанийсса ДНИИП-рал ва Дагъусттаннал дуккаву хьхьичIуннай даврил институтрал (институт развития образования) миллатирттал мазру сахла баврил цIаний хIадур дурну дур:
-2016-2021 шиннардий школардай ниттил мазру лахьхьаврил концепция;
-ясли-садикирттал оьрчIан ни­ттил маз лахьхьин баврил методикартту ва программартту.
-школардансса ниттил мазурдил ва литературалул программартту (6 мазрай).
-ниттил мазурдил литературалул программартту (7 мазрай) ва оьрус мазрайсса дагъусттаннал литературалул программартту.
-ниттил мазрайсса литература ккалансса программартту (яруссаннал, даргиял, лакрал, лазгиял, къумукьнал, табасараннал мазурдил) ниттил мазрай ва оьрус мазрай дарс дихьлахьисса школардан;
-шяраваллал ва шагьрурдал школардал 5-11 классирттан ни­ттил мазурдил ва литературардал контрольданул ва кьимат бищаврил материаллу. Цасса паччахIлугърал экзамендалийн хIадур хьунсса типовой вариантру;
-рищун хIадур дурну дур ниттил мазурдил ва литературардал учебникирттал ва учебный пособияр­ттал 40-яргу ххишаласса канихчичрурду;
-гьар шинах дуллай бур ниттил мазурдил ва литературардал дуккаврил иширттал мониторингру;
-Тохо-Годил цIанийсса ДНИИП-рай гьар шинах байссар форумру, конференцияртту, семинарду, «ккуркки столлу». 2016 шинал бувну бур Дагъусттаннал культуралул ва мазурдил форум «Соцветие», 1 элмулул ва практикалул конференция, 12 семинар ва 3 «ккуркки стол»;
-Дагъусттаннал дуккаву хьхьи­чIуннай даврил институтраву гьар шинах байссар Дагъусттаннал шаэртурал ва чичултрал ни­ттил мазурдийсса произведенияр­тту бу­ккаврил конкурс, Дунияллул халкьуннал ниттил мазрал кьинилун хас бувну;
-гьар шинах февральданий Яруссаннал театрдануву дайссар ниттил мазрал фестиваль, школардал яла хьхьичIунми учительталгу гьурттуну;
-гьашину мартрай хьуссар «2017 шинал яла ххуйма ниттил мазрал учитель» тIисса конкурс;
-школардай гьар шинах дайссар ниттил мазурдил месячникру, шаэртуращалсса ва чичултращалсса хьунабакьавуртту, луттирдал выставкартту.
Жул пикрилий, циняв мурадлувсса дуккаврил идарартту хIала-гьурттуну ва чялишну зурча, миллатирттал мазру яшаврин ва машгьур шаврин хасъсса циняв захIматсса масъалартту чулийн буккан буван бюхъанссар.
ДР-лул Дуккаврил
ва элмулул министерство
ХIадур бувссар
ХI. Аьдиловлул