Ноябрь зурул 1-нний хьусса хIукуматрал совещаниялий республикалул ХIукуматрал председатель АьбдулпаттахI Амирхановлул тапшур бунни Яруссаннал неххавун медициналул ххиличIрурду, ххалаххив ва цаймигу затру экьи дирчуми ца нюжмардул мутталий лякъин.
ХьхьичIва Каспийскаллал тIабиаьт дуруччай центрданул каялувчи Заур ХIапизовлул баян бувна экологтуран неххавун чIявусса ишла бувсса ххалаххив ва капельницардал системарду дирчуну ляркъушиву ва силистталул органну му иширал хъирив багьну бушиву. Амирхановлул бувсунни ххиличIрурду экьи дичин кунмасса районнал азарханардал хъуними хIакинтал танмихIрайн кIункIу бувантIишиву хъирив лаяйхту. Тапшур бунни ми ххиличIрурдалсса буллалисса идарарттал давугу хъирив лавну ххал дигьин. Гьаннайсса, тахсиркартал лякъин. Дагъусттаннал цIуллушиву дуруччаврил министрнал кIанаймур Татьяна Беляевал бувсунни 6 райондалул азарханалул медициналул ххиличIрурду ххилаххаврил схема ххал диргьушиву, цумур азарханалия та ххилай бивкIун бурив махъра-махъ ххиличIрурду. Прокуратуралийнгу бувккун, хьумунил хъирив лаянсса даву цивппагу дуллай бушиву бувсунни Роспотребнадзорданул Республикалулмур Управлениялул хъунама Николай Павловлулгу.
