ТIабиаьтрал апатIрайну зараллу бивсса дагъусттанлувтуран кумаг бансса мурадрай Аьрасатнава ттигъанну увкIун ия чIявусса миллионнайсса аудитория бусса машгьурсса блогер.

Гуманитар кумаг бакъасса, ванал волонтертуращал архIал марцI бунни чIярусса шиннардий ччюрклилу бивкIсса Хасавюрт шагьрулул ца кIичIира.
Базаллува чIатIри, ххялаххив, чуваллу ва катIригу машан ларсун, зий бия кьинибархан.
Чуваллу ччюрклил буккан бувну махъ, блогернал кIичIираву хъамакъабитулун бивхьунни инсантал щябикIавансса скамейка, чIарав бувгьунни мурхьру.
Яла тIурча дурунни мацIшиву дуруччияра тIисса агьалинайнсса оьвчаву.

«МарцIшиву – диндалул дачIир» тIисса хIадис бур Кьуъандалуву. «МарцIшиву дуний цIуллушивугу дуссар» тIисса калима дур халкьуннал. Ттунгу ччива ва кIану жу марцI бувсса куццуй ябувну», – увкунни блогернал.
Ва акциялия махъ чIявусса бия соцсетирдаву блогернахь барчаллагь тIисса.

Зулайхат Тахакьаева