Июнь зурул 28-нний Москавлив хьунтIиссар ДР-лул лайкь хьусса учитель МахIаммад Айгуновлул аьпалун хас дурсса щалагу Аьрасатнал спортрал турнир.
Турнирданул программа сакин дурну дур 8 журалул спортрал бяст-ччаллая. Шикку гьуртту хьунтIиссар Дагъусттаннаясса, Ингушетиянавасса, Чачаннавасса, Пятигорскалиясса, Санкт-Петербурграясса, Москавлиясса ва областьраясса, Азирбижаннавасса цIанихсса спортсментал.
Турнирданул сиптачигу, сакиншинначигу хъанай ур МахIаммадлул арс, МахIачкъала шагьрулул 49-мур школалул директор, ХIала-ккаласса данди буккавурттал спортрал федерациялул президент Аьбдулкарим Айгунов.
Турнир тIитIлатIисса шадлугърай гьуртту хьунтIиссар Аьрасатнал ПаччахIлугърал Думалул ва ДР-лул Халкьуннал Мажлисрал депутатътал, олимпий чемпионтал ва цаймигу бусравсса хъамал.
Бяст-ччаллал хъунама судьяну икIантIиссар машгьурсса спортсмен Салим Давыдов. Турнир дайдишинтIиссар ссят 11-нний Москавлив Академик Виноградовлул цIанийсса 12-мур кIичIиравусса ЗО «Тропарево» тIисса майданнив.
Имара Саидова
