Августрал 10-нний МахIачкъалалив «Труд» стадиондалий ва шагьрулул пляжрай хьунни Физкультурникнал кьинилун хас дурсса Щалагу Аьрасатнал спортрал парад. Ваний гьуртту хьунни 30-нниха ливчусса Дагъусттаннал спортрал федерациярттал спортсментал, спортрал клубирттал вакилтал.
Вара кьини Аьрасатнал цаймигу чIявусса шагьрурдай хьунни спортрал парад «Здоровое Отечество» тIисса Щалагу Аьрасатнал жяматийсса даккаврил хъаттиралу.
Парадрал кьюкьлул бакIрай най бия хасъсса аьралий операциялий гьуртту хъанахъисса аьралийтал ва ветерантал.
Спортсментал буклай бия волейболданий, футболданий, дандибацIавурттал, бяст-ччал най бия турникрай пагьму-гьунарду ккаккан бавриву.Гьай-гьай, парадрал яла агьаммур бутIану хьуна Ккуллал шяраватусса Султан ХIусмановлул ца кIиссурах 130 кило гьаз даву. Ваная личIину чивчуну буссар вава номерданий.
ХIасан Аьдилов
