[dropcap]О[/dropcap]ктябрь зурул 18-нний Ккуллал райондалий Ссухъиящиял шяраву дия гьарта-гьарзасса уттарашиву. Ва кьини шяраваллил Культуралул къатраву бия шяраваллил бугьараминнащал хьунабакьлакьисса мажлис.
Гьашину шяраваллаву дуллалисса бугьараминнащалсса хьунабакьавуртту ва вайннан ссупра тIитIаву хъар хьуну дур шяраваллавусса культуралул къатрал каялувчитурайн. Ссухъиящиял шяраву, махъ дурсса переписрайн бувну, яхъанай бур 260-нния ливчусса инсантал. Шяраву даву дакъашиврийн бувну, шичча буми жагьилталгу шагьрулийнмай лаглай бур. Чан хьуну бур бугьарасса инсанталгу. Мажлисрайн оьвкусса кьюкьлуву бия: Щаллаев КьурбанмахIанма, Щаллаев ХIасан, ТIутIилаев Рамазан, Кьурбанов Рамазан, АьбдурахIманова Роза, АьбдурахIманова Ххадижат, Щаллаева Рукьижат ва цайми бугьарамигу.
[pullquote]ЦIана бугьара хьуминнал буллай бивкIсса захIматрайри зий диркIсса шяравусса колхоз. Вайнналли хIасул буллай бивкIсса
шяраваллил тарих. [/pullquote]
Вихьуллал ва Ссухъиящиял шяраваллил администрация цассар. Мунийн бувну Ссухъиящиял бугьарами барча буван увкIун ия Вихьуллал шяраваллил депутат Кьадиев Оьмар. Оьмардул цала чулуха ва администрациялул каялувчинал Сулайманов СайкIул чулуха чIа увкуна Ссухъиящиял бугьараминнан жагьилминнал чулухасса ургъил, чурххардин цIуллушиву. «Зу буллай бивкIсса захIматрайри зий диркIсса шяравусса колхоз. Дузал дуллай бивкIссару хIукуматран дулун багьлагьимур.
![](http://ilchi.beget.tech/wp-content/uploads/2018/10/ssukiyah.jpg)
[dropcap]В[/dropcap]а чIирисса шярава Хъун дяъвилийн лавгун ур 28 ссухъиричу. Миннавату зуна хьуну ур увагу 8. Къанаврттайн бувцуну бур 30 хъамитайпа. Вайннаватугу цаппарассаннал кьадар гиккува байливтIуссар. КIицI бувминналгу, шикку щябивкIминналгу хIасул буллай бивкIссар шяраваллил тарих. Цала-цала махъру лавхъуна циняв бугьараминналгу. Бугьарами барча бувуна мажлисрайн бавтIсса вайннаяр жагьилминналгу. Мажлис, хъярчру буллай, ларгми чIунну дакIнин дичлай, хъинну тяхъану лавгуна.