Сентябрь зурул 11-нний Ккуллал райондалул биб­лиотекалий хьунни Расул ХIамзатовлул 95 шинан хас бувсса литературалул мажлис.

---

[dropcap]М[/dropcap]ажлис тIивтIуна библиотекалул директор ХIажиаьлиева ПатIиматлул. Микку гьур­тту хъанай бия Ваччиял школалул 8-мур классрал оьрчIру ва классрал каялувчи Кьурбан­аьлиева Зульфия. ОьрчIал був­ккуна шаэрнал шеърирду. Р. ХIамзатовлул оьрмулия бувсуна библиотекалул зузала Аьли­лова Шавлухълул. Дия сакин дурну шаэрнал суратирттал ва лу­ттирдал выставкагу.

Хъиривмур кьини оьрчIал библиотекалул отделданул каялувчи Исякьова Аьишатлул Ва­ччиял школалул 5-мур классрал оьрчIащал хIасул бувну бия мукунма Расул ХIамзатовлул кьинилун хас бувсса мажлис. Ва кьинигу оьрчIал бувккуна шаэрнал шеърирду, увкуна балайрду.

* * *
Сентябрь зурул 13-нний райондалул библиотекалий хьунни Дагъусттаннал халкьуннал Цашиврул кьинилун хас дурсса батIаву. Мажлисрай гьуртту хъанай бия Ваччиял школалул 2-мур классрал дуклаки оьрчIру ва вайннал учительница Рамазанова Атта. ХIасул дурну дия ва кьинилун хас дур­сса стенд.

1999-ку шинал Дагъусттаннайн ххявххун бивкIссар гикку яхъанахъисса инсантал цайнма мютIи буван ччисса чапхунчитал. Амма, Дагъусттаннал халкь ца хьуну, чапхунчитал вайвар­ттайх бавкьуссар. Гай лихъан бавугу данди дарцIуну диркIссар сентябрь зурул 15-нин.

Мажлис тIивтIуна библиотекалул директор ХIажиаьлиева ПатIиматлул. Рамазанова Аттал бувсуна гьарта-гьарзану гай кьинирдай хъанай бивкIсса ишир­ттая. ОьрчIал дурккуна Ватандалун хас дурсса личIи-личIисса назмурду.