ХьхьичIвагу бувсъсса куццуй, ттигъанну Ивановскаллал областьрал Кинешма шагьрулий хьусса «Горячее сердце» тIисса дунияллул халкьуннал дянивсса оьруснал классикалул арилчинсса фестивальдания Лакрал театрданул коллектив зана хьуссия мукьва дипломращал. Яла гьарзасса димломру та фестивальданий лавсун бия жула театрданул.

«Тамаша» къямадиялия махъ театрданул каялувчи, Аьрасатнал магьирлугърал лайкь хьусса ишккакку Бадрижат МахIаммадхIажиевал тиха бувкIсса дипломру буллунни фестивальданий ккаккан бувсса А. Островскийл пьесалийнусса «Бесприданница» спектакльданул режиссер-постановщик, Аьрасатнал лайкь хьусса артист Аслан МахIаммадовлун ва агьамми роллу дургьусса артистътуран: ДР-лул халкьуннал артистка Саният Рамазанован, ДР-лул лайкь хьусса артистка Зинаида Чавтараеван ва артист Руслан Лариннун.
Сий лахъсса фестивальданий жула театр лайкьсса даражалий ккаккан бувсса артистътал цал уттигу барча буллай, барчаллагь тIий буру.
ЧIа тIий буру мукьахуннайгу хъуни-хъунисса хьхьичIуннайшивуртту.

Зулайхат Тахакьаева