Ххуллункьини Лакрал райондалул бакIчи Зураб Куччаев МахIачкъалалив хьунаавкьунни лак­рал жяматрал активращал.

Хьунабакьаврий гьуртту хьунни ДР-лул Халкьуннал Мажлисрал депутат Марат Илиясов, райондалул бакIчинал хъиривчу Малик ХIусманов, райондалул мажлисрал хъунама Явсупи ХIамзаев.
Зураб Куччаевлул бувсунни кIива зурул мутталий райондалий дан бювхъусса давурттая ва бакIрайва-бакIрай щаллу бан багьлагьисса масъаларттая.
Лакрал жяматрал вакилтурал цала чулуха тасттикь бу­нни Лакрал райондалул даража ва халкьуннал маэшат гьаз хъанахъаврил давурттацIун шаймур кабакьу буллантIишиву. Ахирданий ду­нни укунсса хьунабакьавуртту чIун-чIумуй дуллансса икьралгу.

Р. Къардашов