Апрельданул 26-нний ччалли дурккунни А группалул 3-мур турданул командартту.

ЧIяйннал ва Хъурхърал командартту ччалли дурккуну, царагу ххув къархьунни, счет хьунни 2:2. ХьхьичIунма тIуркIучину ккаккан унни Давид Аьлиханов.Мува группалул бяст-ччалгу къуртал хьунни Хъюйннал ва Ххутрал 2-мур командалул дянив, ххув хьумур команда кIул дан къархьунни, тIуркIулул счет – 3:3. ХьхьичIунма тIуркIучину ккаккан унни НурмахIаммад ХIажиев.
D группалул 3-мур турданий ГьунчIукьатIрал 2-мур команда ххув хьунни Карашрал 2-мур командалуяр. Ва командалул дур группалува дуккаврийнсса шанс. ХьхьичIунма тIуркIучину ккаккан унни Амир Ибрагьимов.

­Вава группалуву ччалли дур­кку­нни ЦIуссаккуллал ва ЧукIуннал командартту 4:3 счетрай. ХьхьичIунма тIуркIучину ккаккан унни Сайпу ­Гаммацаев.
Вава группалуву ччалли дурк­сса Читтурдал ва ЧIурттащиял командарттава Читтурдалсса ххув хьунни 2:0 счетрай. ХьхьичIунма тIуркIучину ккаккан увну ур Маллааьли Кьурбанов.
Е группалул 3-мур турданий ччалли дурккунни ЦIуссалакрал ва Ялув ЧIатIлухъиял командартту, Ялув ЧIатIлухъиялсса ххув хьунни 4:3 счетрай. ХьхьичIунма тIуркIучину кка­ккан унни ­Аятуллагь ХIажиев.

С группалул 3-мур турданий Карашрал команда ххув хьунни Ккуллал 2-мур командалуяр. ХьхьичIунма тIуркIу­чину увчIунни ХIажимурад ­ХIу­сай­нов.
Вава группалуву ччалли дурккунни Уручуллал ва Дюкъуллал командартту. Миннивату Дюкъуллал команда ххув хьунни 2:1 счетрай.
Хъинну хIазсса дикIантIий дур С группалул ахир. Матчрал хьхьичIунма тIуркIучи хьунни Сажид МахIмудов.
В группалул 3-мур турданий ччалли дурккунни Уручуллал ва ДучIиннал командартту 2:2 счетрай. ХьхьичIунма тIуркIучинан ккалли унни Нариман Рамазанов.
Вава группалуву ччалли дурккунни Ккуллал ва Кьукуннал командартту. Ккуллал команда ххув хьунни 5:1 счетрай. ХьхьичIунма тIуркIучину ккаккан унни Аьли Оьмаров.
ХIасан Аьдилов