[dropcap]Ш[/dropcap]анна кьини, декабрьданул 14-16-нний, Ва­ччиял шяраваллил школалий хьунни райондалул школарттай дарсру дихьлахьи­сса учительтурацIунсса курсру.

[dropcap]М[/dropcap]и хас бувну бия райондалий­сса школарттай оьрус мазрал, хIисаврттал, физикалул, химиялул, тарихрал, обществознаниялул, биологиялул, ингилис мазрал, информатикалул дарсру дихьлахьисса учительтурал кIулшиву гьаз даврин. Курсирдайн занай бия Ккуллал райондалиясса 100 учитель ва Лакрал райондалиясса 17 учитель. Занай бия мукунма цаппара школарттал дук­лаки оьрчIругу. Курсру хас бувну бия ялунсса шинал ЕГЭ дулаврин. Жула учительтурахь дарсру дихьлан бувкIун бия ДИРО-лул (Дагестанский институт развития образования) пишакартал.