Дагъусттаннал Минздраврал баян бунни республикалий коронавирусрал къашавайми цахъис чан хьусса тагьар душиву.
ЦIуллушиву дуруччаврил министр (врио) Татьяна Беляевал бувсмунийн бувну, тагьар къулай хъанахъиссаннун ккалли дувайсса дур, агар азарханардая итабавкьуми утту бишин бувминнаяр гьарза хъанай бавчукун, цIанакул мукун­сса тагьар дусса дур. «Жу умудрай буру тагьар къулай хъанай душиврийy, республикалий «омикрон» штаммрал хIаллицIух «дельталийн» кьюч бигьлай бур, 70 % агьалинал «омикрондалул» къашавайсса бур», – увкунни Беляевал. МуницIухва, ва бур уттигу рахIатну ссихI бигьинсса чIун дучIан дурассар, хIакьинусса кьини азарханардай 2500 инсан ур коронавирусрал къашавай­сса, миннавугу тамансса кислород аьркин багьлагьисса тIий. Азар оьнийн къадуккансса яла къулаймур чараннив прививка дуваву бур. Республикалий ковид къадиянсса прививка дурну дур 1 миллион ва 125 азара инсаннал, 12 шинава ливчусса чIаважагьилтураву прививка дурсса хъанай ур 700 инсан.