Лакрал ЦРБ-лий бусаврийн бувну, хIакьинусса кьининийн райондалий коллективсса иммунитетрал даража лавхъун бур 62 процентрайн.

Райондалий ялапар хъанахъисса 6677 инсаннава вакцина бувну бур 4130 инсаннал.
– Медициналул зузалтрал агьалинащалсса бувчIин баврил даву ххуйсса ххуттай дачин даврийн бувну, ва яла нанисса зуруй жуща бювхъунни вакцина бавриву хъит учин.
Вай гьантрай администрациялул зузалтрая лавсъссар ревакцинация баннин хьхьичI ласун аьркинсса ПЦР тестру. Жунма чIалачIисса куццуй, дунияллийх анаварсса бущилий ппив хьуну най бур ковид цIуцIаврил цIусса вирус «омикрон», вана бивну жула республикалийнгу. ХьхьичIми вирусирттаяр нигьачIисса бакъар тIурчагу, цуманай цукунсса аьш кьаритавив жунма ттигу къакIулли, ва цIуцIаврил лавмартшиву исват хьуния махъ. Буруччияра зувагу, зула лагма-ялттумигу ва нигьачIисса цIуцIаврия. Бувара вакцина, ревакцинация», – укунсса оьвчаву дурунни Лакрал райондалул бакIчи Юсуп МахIаммадовлул агьалинайн.