Н.Ф.Гамалейл цIанийсса эпидемиологиялул ва микробиологиялул ахттар бавурттал институтрал директор Александр Гинцбурглул укунсса калима дурну дур коронавирусрайн къаршисса прививка даврицIунсса къалпсса сертификатрал хIакъираву.
«Спутник V» вакцина бувну махъ коронавирусрал инфекциялул къашавай хьусса аьрасатлувтурал машан ларсун дикIан бюхъайссар вакцинациялул хIакъиравусса сертификат. «Спутникрал» вакцина бувссар тIисса инсантал захIматну къашавай хьунни тIий бухьурча, миннал къалпсса сертификатру ишла дурну дикIантIиссар. Миннавасса 80% къашайшалтрал дикIантIиссар машан ларсъсса сертификатру», – куну бур Гинцбурглул ТАСС-рал бусаврийну.
Инсаннал «Спутник» вакцина бувну буссарив, ягу бакъассарив кIул буван шайссар хасъсса анализ дурну, анализрал ккаккан байссар препаратрал маркер.
«Жун чIалай бур 80% инсантурачIа бакъашиву ми маркерду.Сертификатру ласласиминнал хъяврин буллалиссар цалва цивппа, мунияр ххишалагу, цайминнайнгу нигьачIаву диян дуллалиссар», – кунни Гинцбурглул
«Вакцина бувну махъ» къашавай хьуминнавасса инсантурал 80% сертификатру машан ларсъсса лявкъуну бур
![](https://ilchi.info/wp-content/uploads/sites/11/sites/11/2021/09/vakcinaciya_sertifikat.jpg)