ЦIуссалакрал райондалул шяраваллавусса культуралул къатраву ларайсса даражалий кIицI ларгунни творчествалул коллективирдал хIасул дурсса концертру ва личIи-личIисса мероприятияртту.

Райондалул шяраваллавусса библиотекарттавугу хьунни ва кьинилун хас дурсса выставкарду, байрандалул тарихрая ва мунил агьамшиврия бусласисса дарсру. Жагьилтуращал ва оьрчIащал дунни викторинарду, бунни Конституциялул ихтиярду дурчIин дуллалисса ихтилатру.
Бувсунни оьрчIахь Конституция Дагъусттаннал агьалинал байран кьинину хъанахъишиву, цанчирчан гьанулул закондалуву тасттикь дурну дуну тIий жула билаятран хъуннасса агьамшиву дусса, миллатирттахь архIалсса ихтиярду душиврул кьанунну. Конституциялул закондалул цинявппа агьали архIал бацIан буллалишиву.
ХIасул дуллалишиву захIмат буллансса, илкинну занансса, цинявннан цасса мюхчаншиврул ихтиярду дузалсса оьрмулул кьанунну.
Мюрщиминнал ва чIава­жагьилтурал дунни «Ттул ниттил маз» тIисса суратру дишаврил конкурс, бивхьунни оьрчIру миллатирттал культуралущал кIул буллалисса пьесарду.

Имара Саидова