Ккуллал райондалул кIулшивуртту дулаврил управлениялул къатраву хьунни лакку мазрай шеъри буккаврил райондалул ятIапрал конкурс. Мунивух гьуртту хъанай бия 11-мур класс­раву дуклакисса оьрчIру.

Конкурсрай гьуртту хьу­сса оьрчIал ккаккан бувна цанма ххуйну кIулшиву лакку маз. Учительтуралгу вай хIадур бан хIарачат бувну бия.

Цалчинмур кIану буллуна Вихьуллал школалул дук­лаки душ Оьмарова Маринахьхьун. КIилчинмур кIану кIибавчIуна Ваччиял школалул дуклаки оьрчIайх — АхIмадов Шамиллуйх ва Хъусращиял школалул дуклаки душ Ванатиева Миясатлуйх. Шамилчинмур кIанугу кIибавчIуна Ккуллал 1-мур школалул дуклаки душ МахIаммадова Зимфирайх ва Ккуллал 2-мур школалул дук­лаки душ СяидахIмадова Жамилатлуйх. Цинявннан дуллуна грамотартту.

Конкурсрай ххув хьусса Оьмарова Марина гьуртту хьунтIиссар республикалул ятIапрай.