Дагъусттан Республикалул Музыкантътурал союзрал кIицI ларгунни 65 шинал юбилей.
Цалла юбилейрал гьантрай вайннал концерт ккаккан дунни Инвалидтурансса ва оьрмулул бугьараминнансса «Ветеран» цIанилусса къатлуву-интернатраву. Концертрай гьурттушинна дурунни Дагъусттаннал халкьуннал артистътуралгу — Тарлан Мамедовлул, МахIаммад МахIаммадовлул, Пирдавс Камаловал ва м.ц.
Шиккува кIицI лаган, Музыкантътурал союзрал тарих най бур 1958-ку шиная шийнмай: ва шинал майрал 14-нний ДАССР-нул Министртурал Советрал Дагъусттаннай хорданул искусствалул пишакартурал союз сакин дувансса хIукму кьамул бувссар.
2003-ку ва 2016-ку шиннардий хьусса дахханашивурттал хъирив вания хьуссар ДР-лул Музыкантътурал союз.
Союзрал тарихрацIун цIакьну дархIуну дур республикалий ва ванил кьатIув машгьурсса музыкантътурал цIарду: Наби Дагиров, Сайпулла Каримов, Роза Мизрахи, Сергей Агъабабов, Готфрид ХIасанов, Исбат Батталбекова, Георгий Папаян, Манашир Якьубов, Ширвани Чаллаев, Мурад Къажлаев, Хан Баширов.