[dropcap]М[/dropcap]ахIачкъала шагьрулул музейраву тIиртIунни «Темп: от электробиографа к Дому культур» тIисса цIанилусса, шагьрулул цалчинмур кинотеатрданул тарихран хас дурсса выставка.

ХьхьичIва Буйнакскийл к1ич1ираву бивкIсса «Темп» тIисса кинотеатр чIявуссаннан, хаснува бугьарами инсантуран, дакIнийссар, кIулссар.
Выставка тIитIлатIисса ихтилат бувна музейрал директорнал буржру биттур буллалисса Наида Дибировал. Гихунмай ихтилатру бувна Аьрасатнал Федерациялул кинематографистътурал союзрал Дагъусттанналмур отделениялул председатель МахIаммад Сулаймановлул, тарихрал элмурдал доктор Эльмира Далгатлул ва м.ц.

[dropcap]В[/dropcap]ыставкалий ккаккиялун дирхьуну дия кинотеатрданул хьхьичIарасса суратру, афишарду, виваллил план. Ва выставка хъанахъиссар музейрал МахIачкъала шагьрулул цIанихсса кIанттурдая бус­лантIисса «Место Силы» тIисса проектрал бутIану.
Выставка тIиртIуну дикIан­тIиссар майрал ахирданийннин.