[caption id="attachment_90617" align="aligncenter" width="550"] Арслан Шагьмарданов Зарема Буттаеващал[/caption]

[dropcap]М[/dropcap]артрал 25-нний кIицI лагайсса Культуралул зузалал кьини ДР-лул Культуралул министерствалий хьунни республикалул ва билаятрал маданиятраву, искусствалуву хьхьичIунну зузиминнан бахшишру дуллалисса батIаву.

Республикалул культуралул министр Зарема Буттаевал бавтIми барча бувна пишакаршиврул байрандалущал, барчаллагь увкуна культура дуруччаврил ххуллий буллали­сса захIматрахлу. КIицI лавгуна ва бигьа дакъасса даву дуван бюхълайгу бушиву, цинявппагу цачIун хьуну, ца командану зузаврийн бувну.

Гихуннай министрнал цилла каялувшиву дуллалисса ведомствалул ва паччахIлугърал наг­радартту дуллуна республикалул театрдал, музейрдал ва культуралул цаймигу идарарттал пишакартуран.

Лакрава бахшишру ларсминнавух бия Дагъусттаннал лайкь хьусса артистътал Карин Кьадинаев ва Арслан Шагьмарданов, художник Ажув Къячаев. Вайннан дуллунни Дагъус­ттан Республикалул ХIукуматрал чулухасса ХIурматрал грамотартту.

[caption id="attachment_90618" align="aligncenter" width="550"] Карин Кьадинаев[/caption]

[caption id="attachment_90619" align="aligncenter" width="550"] Ажув Къячаев[/caption]