ЦIуссалакрал райондалул администрациялул залдануву хьунни Балугъравун къабивминнал иширтталсса ва миннал ихтиярду дуруччаврилсса байсса комиссиялул ирглийсса заседание.

Заседаниялул даву дачин дурну ия райондалул хъунаманал хъиривчу Рустам Сулайманов. Шикку гьуртту хьунни Комиссиялул председательнал хъиривчу, КIулшивуртту дулаврил управлениялул хъунаманал хъиривчу Расул Атлангериев, Комиссиялул хъунмур пишакар Лиана Маматиева, райондалул идарарттал каялувчитал.
Заседаниялий ххал диргьунни тIулдакъашивуртту дурсса цаппара иширттал хIакъиравуса материаллу. Комиссиялул бувсунни уттиния тихуннай дуллан ккаккан дурсса давурттая.
Заседаниялул хIасиллайн бувну, хIукму бунни:
— тIулдакъашивуртту дурминнай дюъ дишин;
— райондалул школарттай профилактикалул давуртту дан;
— 2023 шинал дуллансса давурттал план цIакь дан.