Жува аьдат хьуну буру ЦIушинал ссупралухгу, гихуннайсса каникуллайгу чIярусса дукра канай, жува, жулва чурх аьдатсса кьаралдания тий-шийнмай хъанай, чIалну уттубихьлай, чIалну бизлай. ТIайлар, чурххангу, нярангу дигьалагругу аьркинни. Амма мукун бунугу, «лякьлухьхьун ва курчIилшиврухьхьун» «хьхьури» щалла итамадакьару, зулва чурххайнгу гуж къабагьан, аьдатсса низамрайн зана хьунгу лапва захIмат къахьун.
Каний къадагъа
дишара
ЦIушинал байрандалул ссупралий думунийн ка матIитIларду, хаснува хъамалу лавгни. ДакIний битияра, хъунмур иш шайссаксса чIярусса дукра дукавриву (хIачIавриву) бакъарча, канакимуния неъмат ласавривур, дуркумур мюнпатсса, хайрданунсса шавривур.
Язи дугьира ляличIимур
Ссупралийсса чIяру дукрардава язи дугьира зущара укуннасса чIумал дуван-дукан къашаймур, ляличIимур.
Мюрщи бара бутIри
Дукра вагу, тагу ххал къадурну бацIан къахьурчангу, хъуни порцияртту къабувну, гьарцаннуя чан-чанну дукира.
КкухIара ххуйну
Дукра канаки анавар къабувккун, хъинну ххуйну ккухIлай.
Къачча учингу кIулну хъинссар
ЦIушинал байрандалул гьантрайгу, вайми кьинирдайгу нигьамабусару цал ххишалану «Къачча учин»: ссупралий зулла хьхьичIсса тIахIни-кIичIулуву дуканмур, хIачIанмур ххину ххишала дишин-дутIин наниманахь, «щяикIу, чун анаварну ура» тIий, шавайн къаитаакьлакьиманахь.
Кашину ишла дувара
ЦIушинал каникуллал нюжмаргу мюнпатсса ссаха-бунугу зунсса кашину ишла дувара. Гъилину лагу-ларххун, хьхьирил зуманийн, паркравун сайрданий бувккун, марцIсса гьавалийх заназин дувара.
ЧIирисса курчIил
хъунмасса зарал биян байссар
ЦIушинал байрандалул гьантрай жува биялну курчIил шару, мультфильмраву кунма: «Дукра дукарду, утти бучIиссар шану лахъан, шану лахъарду, утти бучIиссар дукра дукан», – тIисса кунма. Ца-кIива гьантлий ва кьяйдалий бакIгу, чурхгу бигьалаган битарчангу, хIарачат бувара, чIумуй уттугу-бивхьуну, чIумуй бигу-бивзун, дуван аьркинмургу дурну, танмалшиву ялтту дуккан къаритан.
Зия хьун бувара
телевизор
Дувара я дустал, я телевизор бакъасса кьинирду: чурхгу, бакIгу бигьалагансса.
Хъамамаритару
урттул кIамучигу
ЦIушинал ссупралий чIярусса дикIул, балугърал ва цайминнул дукрарду дикIай, белокрал авадансса. Вайннущал архIал, вай бигьану лялияншиврул, ахънилссагу, личIи-личIисса урттугу ишла дувара.
Чяй къахIисавссар
ЦIушинал каникуллал чIумал (кофеин тIий, цамур тIий ххи хъанахъисса гьантрай) хаснура хъамамадитари чурххан диял хьунуксса щин (гьантлун 8 стакан) хIачIаван. Чяй, компот къахIисавссар.
