ЦIуссалакрал райондалул Депутатътурал мажлисрал председатель Рамазан Набиевлул СВО-рай гьуртту хъанахъисса аьралитуран цала чулуха тIайла дурккунни шушравусса щинал 8 тонна.
Аьралитуран хIачIансса щин аьркиншиву бавну бия Рамазаннун хьхьичIва нувщул ва шушравусса щинал бувцIусса КамАЗру тIайла бувксса инсантурая.
Шиккува кIицI лаган, ЦIуссалакрал райондалиясса меценатътурал жула аьралитуран ваниннингу бувссар цикссагу кумагру.
Ва ххуллухьгу хъунмасса барчаллагь баян буллай буру Рамазаннуйн, аьралитурал дакI даву мурадрай дурсса ххаллилсса даврихлу.
Жула аьралитурал махъ укунсса цIакь буссаксса, ххувшаву ласунсса вихшалагу ххишала хъанай дур.
