СВО-рал гьурттучи, медицинский взводрал командир, ЦIуссалакрал райондалийсса ЦIуссаккуллал шяравасса Альбина Къаплановал тIайла увккунни цила арс аьралуннаву къуллугъ буллан
Альбина ва ванил лас бур аьраличалт. Вай мукIруну бур арснал аьралуннаву къуллугъ бувну махъ цанма ччисса пиша язи бугьаншиврий, ягу, контрактгу чирчуну, Ватан дуруччин гьаншиврий. Аьралуннаву къуллугъ бан лавгсса жагьилнал нину-ппу бур цинявннан эбратрансса патриотътал. ЦIанасса чIумал Альбина бур хасъсса операция нанисса зоналий цикссагу жула аьралитурал оьрмурду ххассал буллай. Уздансса хъамитайпалул, кIива оьрчIал ниттил кьянкьашиврул ва сисаврил махIаттал буллай бур цинявппа.
ХIакьину Альбина бур СВО-райсса Каспийский флотилиялул занази медицинский батальондалул операционный сестрану зий. Цила коллегахъащал архIал вайннал кьинилун 50-хъул операцияртту буллай бур Донбассрайсса личIи-личIисса частирдаву щавурду дирсса аьраличултран. Аьралий частьраву зий Альбинал хьуну дур 15-нния лирчусса шинну.
Аьралуннаву къуллугъ буллай бувсса захIматрахлу лайкь дурну дур ванил цикссагу наградартту. Миннувух дур АьФ-лул Обороналул министерствалул, Суворовлул орденну, «Участник контртеррористических операций на Кавказе», аьралий бурж къучагъну бартбигьаврихлусса Суворовлул медаль ва ведомствалул каялувчитурал чулухасса Барчаллагьрал чагъарду ва ХIурматрал грамотарду.
Альбина Къапланова бур Къапкъазнаву, Сириянаву най бивкIсса ва Украиннал аьрщарай нанисса хасъсса операциярттал гьурттучи.