[dropcap]В[/dropcap]ай гьантрай ЦIуссалакрал райондалул школарттай хIасиллу дунни химиялул, литературалул, географиялул ва оьрус мазрал ЕГЭ-рдал. ЧIявуминнал вайннува дуллуну дия химиялулмур экзамен. Химиялул ЕГЭ дуллусса выпускниктурава 5-ннал лавсун бур лахъсса баллу.
Химиялул ЕГЭ-лий 95 балл лавсун бур Чапаево шяраваллил 2-мур школалул дуклаки душ Сабина Давдиевал, 95 балл лавсун бур ЦIуссаккуллал 2-мур школалул дуклаки душ Шуанат Алхасовал, 90 балл – ЦIуссачIурттащиял 2-мур школалул дуклаки душ Ххадижат Расуловал, 86 балл – ЦIуссаккуллал 2-мур школалул дуклаки оьрчI МахIаммадхан МахIаммадовлул, 82 балл – Гьамиящиял школалул дуклаки душ Ххадижат Парамазовал.
ЦIуссалакрал райондалул кIулшивуртту дулаврил идарарттаясса 28 выпускникнал 80-нния ливчусса баллу лавсун бур оьрус мазрал ЕГЭ-лул. Ва дарсирал ЕГЭ-лул лавайсса баллу лавсун бур Гьамиящиял 2-мур школалул 1 выпускникнал, Гьамиящиял школалул 3 выпускникнал, ЦIуссаккуллал 2-мур школалул 7 выпускникнал, ЦIуссалакрал гимназиялул 8 выпускникнал, ЦIуссалакрал 1-мур школалул 3 выпускникнал, ЦIуссачIурттащиял 2-мур школалул 2 выпускникнал, Чапаево шяраваллил 2-мур школалул 2 выпускникнал, ДучIиннал 2-мур школалул 2 выпускникнал, Шушиннал школалул 1 выпускникнал ва Ямансуйннал школалул 1 выпускникнал.
Оьрус мазрал экзамен дуллусса цинявппагу выпускниктурал ккаккан бунни орфоэпиялул, лексикалул, морфологиялул, синтаксисрал ларайсса кIулшивуртту душиву ва цанна оьрус мазрал кьанунну ххуйну кIулну душиву.
