Вай ларгсса бигьалагай кьи­нирдай Шахьував Гъази-Гъумуча бувкIун бия имам МухIаммад Сулайманов бакIчисса чиваркI. БувкIунгу бия вай диндалул уссурвавран цIуну буллалисса мизит­рал давурттаву кумаг баншиврул. Вайннавух бия лагма-щар­хъаясса имамталгу.

Вайннал кумаг бунни мизитрал кIилчинмур зивулул чIиртту, минарет буллайна аьркин бантIисса чартту буххин, лавай гьаз буван.
– Укунсса давурттавух гьуртту хьун шаву – ва Бюхттулсса Занная жуйнма ливксса хъунмасса цIимир, – тIий ур имам МухIаммад.

Ялун бувкIсса хъамаллуращал ва кьини субботник­рай гьуртту хьуна Адильгарай Аьлиев, Аьбдул Аьлиев, Му­хIаммад Сагидов, МахIаммад Ма­хIаммадов ва цаймигу хIа­ласса шахьуймигу.

Ва бусравсса давривух гьуртту хъанахъисса цинявннаявагу Аллагь рязину лякъиннав. Амин.