ЦIуссалакрал райондалий хьунни Украиннавусса хасъсса операциялуву гьуртту хъанахъисса Аьрасатнал аьралитуран хас дурсса велопробег. Шикку гьуртту хьунни райондалул личIи-личIисса шяраваллавасса 150 велосипедист. Аьрасатнал ттугъругу бувгьуну, вай лавгунни ЦIуссалакрал шяраваллил паччахIххуллийх.
Акциялул мурад бия Украиннал аьрщарай хьхьичI ххуттай бавцIусса аьралитуран жула цашиву ккаккан даву.
Мероприятие сакин дурну дия Рашид Шихабуттиновлул каялувшиндаралусса «ЦIуссалакрал жагьилтал» ДРОО-лул. Велопробеграл хъирив хьунни архъан кIункIу даврил ва гьузузаврил бяст-ччал. Ххув хьуминнан буллунни барчаллагьрал чагъарду ва арцуйнусса бахшишру.
